బాలీవుడ్లో అమితాబ్ బచ్చన్, షారుఖ్ ఖాన్, మిథున్ చక్రవర్తి వంటి స్టార్ హీరోలకు ఉన్న క్రేజ్ గురించి ప్రత్యేకంగా చెప్పాల్సిన పనిలేదు. కానీ మధ్యప్రదేశ్లో జరిగిన ఓ ప్రత్యేకమైన సంతలో మాత్రం వీరందరినీ ఓడించింది 'చంకీ పాండే'! అదేంటి.. బాలీవుడ్ నటుడు చంకీ పాండే గాడిదల సంతలోకి వచ్చారా? అనుకుంటున్నారా? అదేం కాదు. ఆయన పేరుతో ఉన్న ఓ నల్లటి గాడిద ఏకంగా రూ.72 వేల ధర పలికి అందరినీ ఆశ్చర్యపరిచింది. అమితాబ్, షారుఖ్, మిథున్ పేర్లతో ఉన్న గాడిదల కంటే ఎక్కువ ధరకు అమ్ముడై ఈ ఏడాది సంతలో టాప్ ప్లేస్ దక్కించుకుంది.