శంఖు పూలకు మార్కెట్లో కిలోకు రూ.2,000 నుండి రూ. 6,000 వరకు ధర లభిస్తుండటంతో, ఇవి రైతులకు లాభదాయకమైన ఆదాయ వనరుగా మారుతున్నాయి. హైదరాబాద్కు చెందిన పిట్టల శ్రీశైలం సహజ వ్యవసాయ పద్ధతులతో, ఒకే బెడ్పై ఐదు రకాల పంటలను పండిస్తూ, శంఖు పూల సాగులో విజయం సాధించారు. హైదరాబాద్ సమీపంలోని ఘట్కేసర్లోని అంకుశాపూర్లో పిట్టల శ్రీశైలం పిట్టల ఆర్గానిక్ పేరుతో విజయవంతంగా సహజ వ్యవసాయం చేస్తున్నారు. గతంలో సోషల్ యాక్టివిస్ట్, జర్నలిస్ట్గా పనిచేసిన ఆయన, తెలంగాణ రాష్ట్రం ఏర్పడిన తర్వాత రివర్స్ మైగ్రేషన్ (పట్టణాల నుంచి పల్లెలకు వలస) భావనపై దృష్టి సారించి, వ్యవసాయ రంగంలో వినూత్న ప్రయోగాలు చేపట్టారు.