పేగుల ఆరోగ్యం మన సమగ్ర శ్రేయస్సుకి చాలా ముఖ్యం. జీర్ణక్రియ సమస్యలైన అజీర్తి, మలబద్ధకం వంటివి సరైన ఆహారపు అలవాట్లు, జీవనశైలి మార్పులతో తగ్గించవచ్చు. పీచు పదార్థాలు, నీరు సమృద్ధిగా తీసుకుంటూ, క్రమం తప్పకుండా వ్యాయామం చేయడం, కృత్రిమ పదార్థాలు, మద్యం, పెయిన్కిల్లర్లకు దూరంగా ఉండటం ద్వారా పేగులను ఆరోగ్యంగా ఉంచుకోవచ్చు. మన పొట్ట ఆరోగ్యంగా ఉన్నంత వరకే మనకు సంపూర్ణ ఆరోగ్యం. ఆకలి, అరుగుదల సక్రమంగా ఉన్నంత కాలం మన ఆరోగ్యానికి ఎలాంటి ఢోకా ఉండదు. ఏ కారణం చేతనైనా పొట్టలో సమస్య తలెత్తితే, అది మన సమగ్ర ఆరోగ్యాన్నే ప్రభావితం చేస్తుంది.