આજથી વિક્રમ સંવત 2083ના નૂતન વર્ષનો પ્રારંભ થયો છે. નવા વર્ષના પાવન અવસરે ગુજરાતના મુખ્યમંત્રી ભૂપેન્દ્ર પટેલે ગાંધીનગર સ્થિત પંચદેવ મંદિરે પહોંચીને ભગવાનનાં દર્શન કરી વિધિવત પૂજા-અર્ચના કરી હતી. આ સાથે જ તેમણે નવા વર્ષની શરૂઆત કરી હતી. આ પ્રસંગે મુખ્યમંત્રીએ નાગરિકોને શુભેચ્છાઓ પાઠવી હતી અને રાજ્યના નાગરિકોના સુખ, શાંતિ, સમૃદ્ધિ અને ઉત્તમ સ્વાસ્થ્ય માટે પ્રાર્થના કરી હતી.