નૂતન વર્ષના પ્રારંભે બોટાદ જિલ્લાના સાળંગપુરધામમાં ભક્તિમય માહોલ જોવા મળ્યો હતો. કષ્ટભંજનદેવ હનુમાનજી મહારાજને 8 કિલો શુદ્ધ સોનામાંથી તૈયાર કરાયેલા સુવર્ણ વાઘાનો અલૌકિક શણગાર કરવામાં આવ્યો હતો. સાથે જ દાદાના સિંહાસનને રંગબેરંગી ફૂલોથી શણગારવામાં આવ્યું હતું. સવારે કોઠારી વિવેકસાગરદાસજી સ્વામીના હસ્તે મંગળા આરતી અને શાસ્ત્રી હરિપ્રકાશદાસજી સ્વામીના હસ્તે શણગાર આરતી યોજાઈ હતી. નૂતન વર્ષના પ્રથમ દિવસે મોટી સંખ્યામાં ભક્તોએ દાદાના દિવ્ય દર્શન કરી ધન્યતા અનુભવી હતી.