कोल्हापूर : मावळतीच्या सूर्याची सोनेरी किरणे मंदिराच्या महाद्वारातून आत प्रवेश करत गरुड मंडपाचा प्रवास करीत गाभाऱ्याच्या दिशेने सरकू लागली. क्षणाक्षणाला उत्कंठा. क्षणाक्षणाला उत्कंठा वाढत असतानाच संगमरवरी पायरीच्या आत सूर्यकिरणांनी प्रवेश केला आणि गाभाऱ्यातील दिवे मालवले. काही क्षणांतच मावळतीच्या सूर्यकिरणांनी करवीरनिवासिनी श्री अंबाबाईच्या चरणांना स्पर्श केला. या मंगलमय क्षणाचे साक्षीदार होताच उपस्थित भाविकांनी ‘अंबा माता की जय’, ‘अंबेचा उदो उदो’चा जयघोष करत किरणोत्सवाचा सोहळा भक्तिभावाने साजरा केला.