या मुद्द्यांवर स्पष्टता आली तरच विलीनीकरण शक्य, भेटींमध्ये तीच चर्चा. यदु जोशी, लोकमत न्यूज नेटवर्क, मुंबई : राष्ट्रवादीच्या विलीनीकरणाची चर्चा म्हणजे केवळ दोन पक्ष एकत्र आणण्याचा विषय राहिलेला नाही; तर दोन गटांतील सत्तेच्या महत्त्वाकांक्षा, नेतृत्वाचे दावे आणि राजकीय अस्तित्व टिकविण्याची लढाई ठरत आहे. एकत्र येण्यापूर्वीच पदांचे वाटप, नेतृत्व आणि मंत्रिमंडळातील स्थान यावर प्रश्नचिन्ह आहे. भाजपची 'स्क्रिप्ट' अद्याप तयार नसल्याने विलीनीकरणाचा प्रयोग नेमका कोणत्या दिशेने जाणार, हे स्पष्ट झालेले नाही.