செயற்கை நுண்ணறிவு சித்தரிப்பு படம்Source : AI மயிலாடுதுறை: மயிலாடுதுறை மாவட்டத்தில் விவசாயிகளின் பொருளாதாரத்தை மேம்படுத்தும் நோக்கத்துடன் மாநில அரசு புதிய திட்டத்தை அறிமுகப்படுத்தியுள்ளது. 2026–2027 ஆம் ஆண்டுக்கான சட்டமன்ற கூட்டத்தொடரில் தாக்கல் செய்யப்பட்ட வேளாண்மை நிதிநிலை அறிக்கையில், வேளாண்மை மற்றும் உழவர் நலத்துறை அமைச்சரால் வெளியிடப்பட்ட முக்கிய அறிவிப்புகளின் அடிப்படையில் பல்நோக்கு பண்ணைக்குட்டைகளில் மீன்வளர்ப்பினை ஊக்குவிக்கும் திட்டம் தற்போது நடைமுறைப்படுத்தப்பட்டு வருகிறது. இத்திட்டத்தின் கீழ் மாநிலத்தில் உள்ள பல்வேறு மாவட்டங்களுக்கு இலக்குகள் நிர்ணயிக்கப்பட்டுள்ள நிலையில், மயிலாடுதுறை மாவட்டத்திற்கு என பிரத்யேகமாக 5 பண்ணைக்குட்டைகள் என்ற இலக்கு ஒதுக்கீடு செய்யப்பட்டுள்ளது.