సాయంత్రం అయిందంటే చాలు.. వేడి వేడి సమోసాలు తినాలని చాలామందికి అనిపిస్తుంది. బయట క్రిస్పీగా, లోపల మసాలా పూర్ణంతో ఉండే సమోసాలకు ప్రత్యేకమైన క్రేజ్ ఉంటుంది. సాధారణంగా బంగాళాదుంపలతో చేసే ఆలూ సమోసాలే ఎక్కువగా కనిపిస్తాయి. అయితే ఇప్పుడు సమోసాల్లోనూ కొత్త కొత్త వెరైటీలు అందుబాటులోకి వస్తున్నాయి. అలాంటి ఓ వెరైటీనే పాలక్ పనీర్ సమోసా! పంజాబ్లోని ఓ దుకాణంలో తయారు చేస్తున్న ఈ వినూత్న సమోసా ఇప్పుడు అందరి దృష్టిని ఆకర్షిస్తోంది. పాలకూర, పనీర్ కలిపి తయారు చేసిన పూర్ణంతో సమోసాలు తయారు చేస్తున్నారు. బయటకు ఎంతో క్రిస్పీగా కనిపిస్తూ, లోపల రుచికరమైన పనీర్ మిశ్రమంతో నోరూరిస్తున్నాయి.