పండుగలు, ప్రత్యేక సందర్భాల్లో ఇంటిని అందంగా అలంకరించుకోవడానికి కొవ్వొత్తులు వెలిగించడం చాలామందికి అలవాటు. ముఖ్యంగా దీపాల వెలుగులతో ఇల్లు అందంగా కనిపించాలని ఫ్లోర్ పక్కన, గుమ్మాల దగ్గర కొవ్వొత్తులు పెడుతుంటారు. అయితే కొవ్వొత్తులు కరిగి వాటి మైనం నేలపై పడితే మాత్రం పెద్ద సమస్యగా మారుతుంది. చల్లబడిన తర్వాత అది గట్టిగా పేరుకుపోయి తొలగించడానికి ఇబ్బందిగా ఉంటుంది. మైనాన్ని తొలగించడానికి చాలామంది కత్తులు, బ్లేడ్లు లేదా ఇతర పదునైన వస్తువులతో గీకుతుంటారు. ఇలా చేయడం వల్ల ఫ్లోర్పై గీతలు పడే ప్రమాదం ఉంది. ముఖ్యంగా ఖరీదైన టైల్స్, మార్బుల్ ఫ్లోర్ ఉంటే మరింత జాగ్రత్త అవసరం.