ఆకాశంలో కనిపించే వింత కాంతులు.. గుర్తుపట్టలేని ఆకారాల్లో ఎగిరే వస్తువులు.. భూమిపైకి గ్రహాంతరవాసులు (ఏలియన్స్) వస్తున్నారా? దశాబ్దాలుగా ప్రపంచవ్యాప్తంగా చర్చకు వస్తున్న ఈ ప్రశ్నలపై అమెరికా అధ్యక్షుడు డొనాల్డ్ ట్రంప్ ఆసక్తికర వ్యాఖ్యలు చేశారు. UFOలపై తనకు పెద్దగా నమ్మకం లేదని చెబుతూనే.. అమెరికా వైమానిక దళానికి చెందిన పైలట్లు చెప్పిన కొన్ని విషయాలు తనను ఆశ్చర్యపరిచాయని తెలిపారు. ముఖ్యంగా F-22 యుద్ధ విమానం కంటే మూడు రెట్లు వేగంగా దూసుకెళ్లిన ఓ గుండ్రని వస్తువు గురించి పైలట్లు చెప్పిన విషయాలను ప్రస్తావించారు.