హిందూ సంప్రదాయంలో కార్తీక మాసానికి ఎంతో ప్రత్యేకమైన స్థానం ఉంది. ఈ నెలను శివకేశవులకు అత్యంత ప్రీతికరమైన మాసంగా భావిస్తారు. అందుకే కార్తీక మాసం వచ్చిందంటే చాలామంది భక్తులు తెల్లవారుజామునే నిద్రలేచి స్నానాలు ఆచరిస్తారు. శివాలయాలు, విష్ణు ఆలయాలను దర్శించుకుంటారు. ప్రతిరోజూ ఇంట్లో దీపాలు వెలిగించి భక్తిశ్రద్ధలతో పూజలు చేస్తారు. ఈ మాసంలో పాటించే నియమాలకు కూడా ప్రత్యేక ప్రాధాన్యత ఉంటుంది. కార్తీక మాసాన్ని పరమశివుడికి, శ్రీమహావిష్ణువుకు ఎంతో పవిత్రమైనదిగా భావిస్తారు. ఈ నెలలో భక్తులు ప్రత్యేక పూజలు, వ్రతాలు, దీపారాధనలు చేస్తుంటారు. భగవంతుడిపై మనసును నిలిపి ఆధ్యాత్మిక సాధన చేయడానికి ఈ మాసం అనువైనదిగా సంప్రదాయాలు చెబుతాయి.