દિવાળીના પર્વની ઉજવણી વચ્ચે રાજકોટમાં ફટાકડા ફોડવા જેવી બાબતે લોહિયાળ ઘટના સામે આવી છે. સામાન્ય બાબતે શરૂ થયેલી બોલાચાલીએ હિંસક સ્વરૂપ ધારણ કરતાં કાકા-ભત્રીજા પર જીવલેણ હુમલો કરવામાં આવ્યો હતો. હુમલામાં ગંભીર રીતે ઈજાગ્રસ્ત સ્કૂલ વાનચાલક અજીત સિંધવનું મોત થયું છે, જ્યારે તેમના ભત્રીજાની હાલત ગંભીર હોવાનું જાણવા મળ્યું છે. આ મામલે ઈન્દ્રજિતસિંહ જાડેજા અને યશરાજસિંહ જાડેજા પર હુમલાનો આરોપ લાગ્યો છે.