જૂનાગઢ: મેંદરડા તાલુકાના દાત્રાણા ગામે દીપડાના હુમલાની અત્યંત દુઃખદ ઘટના સામે આવી છે. વાડી વિસ્તારમાં મજૂરી કામ કરતા મધ્યપ્રદેશના શ્રમિક પરિવારના સાત વર્ષના બાળકને દીપડો ઉપાડી ગયો હતો. શોધખોળ દરમિયાન બાળકનો મૃતદેહ મળી આવ્યો હતો. એટલું જ નહીં, બાળકના મૃતદેહની શોધખોળ દરમિયાન દીપડાએ બે રાહદારીઓ પર પણ હુમલો કરી ઈજાઓ પહોંચાડી હતી. ઘટનાને પગલે વન વિભાગે દીપડાને પકડવા માટે આઠ જેટલાં પાંજરાં ગોઠવી કાર્યવાહી હાથ ધરી છે.