इलेक्ट्रिक वाहनांना ग्राहकांची पसंती; अनेक कंपन्यांच्या वाहनांसाठी प्रतीक्षा. जालना, पुढारी वृत्तसेवा : जिल्ह्यात दुष्काळी परिस्थिती असतानाही यंदाच्या दिवाळीत दुचाकी आणि चारचाकी वाहनांच्या विक्रीने समाधानकारक कामगिरी केली आहे. आर्थिक परिस्थिती प्रतिकूल असतानाही नागरिकांनी वाहन खरेदीला प्राधान्य दिल्याने वाहन विक्रेत्यांमध्ये आनंदाचे वातावरण निर्माण झाले आहे. विशेष म्हणजे, पेट्रोल आणि डिझेल वाहनांसोबतच इलेक्ट्रिक वाहनांकडे ग्राहकांचा वाढता कल दिसून आला.