హైదరాబాద్లోని బేగంబజార్లో భారీ పేకాట శిబిరంపై గోషామహల్ పోలీసులు మెరుపు దాడి నిర్వహించారు. ధనలక్ష్మి ఫిష్ గోదాంలో గుట్టుచప్పుడు కాకుండా పేకాట దందా సాగుతోంది. హైదరాబాద్, నవంబర్ 9: నగరంలోని బేగంబజార్లో భారీ పేకాట శిబిరంపై గోషామహల్ పోలీసులు మెరుపు దాడి నిర్వహించారు. అందర్, బాహర్, తీన్పత్తి పేరుతో రెండు గదుల్లో జూదం నిర్వహిస్తున్నట్లు బయటపడింది. పక్కా సమాచారంతో అర్ధరాత్రి సమయంలో గోషామహల్ పోలీసులు దాడి నిర్వహించారు. జూదం ఆడుతున్న 16 మంది నిందితులను అరెస్ట్ చేశారు. పోలీసులు వచ్చిన వెంటనే మరో 12 మంది నిందితులు పరారయ్యారు. దీంతో వారి కోసం గాలింపు చర్యలు చేపట్టారు.