Fire Accidents in Hyderabad : దీపావళి పండుగ వేళ టపాసుల నిప్పురవ్వలు పడి హైదరాబాద్లో పలుచోట్ల అగ్నిప్రమాదాలు చోటుచేసుకున్నాయి. కొన్నిచోట్ల పెద్ద ఎత్తున ఆస్తి నష్టం సంభవించింది. దీపావళి పండుగ వేళ హైదరాబాద్ నగరంలోని పలు ప్రాంతాల్లో అగ్నిప్రమాదాలు జరిగాయి. టపాసుల నిప్పు రవ్వలు పడి అగ్గి రాజుకుంది. ప్రమాదాల్లో ఎవరికీ ఎలాంటి ప్రాణనష్టం జరగకపోయినా, రూ.లక్షల మేర ఆస్తి నష్టం సంభవించిందని బాధితులు వాపోయారు. హైదరాబాద్ అఫ్జల్గంజ్ పోలీస్ స్టేషన్ పరిధి బేగంబజార్లోని ఓ భవనంలో ఆదివారం రాత్రి మంటలు చెలరేగాయి. బాణాసంచా నిప్పు రవ్వలు పడి మంటలు వ్యాపించాయి.