దీపావళి వేడుకలు హైదరాబాద్ నగరంలో తీవ్ర విషాదాన్ని నింపాయి. పండుగ రోజు బాణసంచా కాల్చే సమయంలో జరిగిన ప్రమాదాల కారణంగా పలువురు కంటి గాయాల బారిన పడ్డారు. నగరంలోని ప్రసిద్ధ సరోజినీ దేవి కంటి ఆసుపత్రికి బాధితులు పెద్దఎత్తున క్యూ కట్టారు. నవంబర్ 9వ తేదీ ఉదయం 6 గంటల వరకు అందిన వివరాల ప్రకారం, బాణసంచా కాల్చడం వల్ల కంటి గాయాలపాలైన 48 మంది ఆసుపత్రిలో చికిత్స పొందినట్లు వైద్యులు వెల్లడించారు. వీరిలో 38 మంది అవుట్ పేషెంట్లుగా వైద్యం తీసుకుని వెళ్లగా, మరో 10 మంది తీవ్ర గాయాలతో ఇన్ పేషెంట్లుగా చికిత్స పొందుతున్నారు.