சென்னையில் மழை பெய்தும் காற்று மாசு குறையாமல் தொடர்ந்து நீடிக்கிறது. மணலியில் அதிகபட்சமாக 269 என்ற அளவிலும், அரும்பாக்கத்தில் 243 என்ற அளவிலும் காற்றின் தரக்குறியீடு பதிவாகியுள்ளது. சென்னை: தீபாவளி பண்டிகையை முன்னிட்டு வெடிக்கப்பட்ட பட்டாசு புகையால் சென்னையில் காற்றின் தரக் குறியீடு 206 என்ற மோசமான நிலையை எட்டியுள்ளது.தமிழ்நாடு முழுவதும் நேற்றைய தினம் (நவ.8) தீபாவளி பண்டிகை மிகவும் கோலாகலமாக கொண்டாடப்பட்டது. தீபாவளி என்றாலே அதிகாலையிலேயே எழுந்து, புத்தாடைகளை உடுத்தி பட்டாசுகளை வெடிப்பது வழக்கம். அந்த வகையில் சென்னை மாநகரில் தீபாவளி பண்டிகையான நேற்று பல்வேறு பகுதிகளிலும் பொதுமக்கள் பட்டாசுகளை வெடித்து கொண்டாடினர்.