దీపావళి 2026 వేళ బాణాసంచా ధరలు సామాన్యులకు భారంగా మారాయి. పిట్ట బాంబుల నుంచి ఉల్లిగడ్డ బాంబుల వరకు టపాసుల ధరలు భారీగా పెరిగాయని కొనుగోలుదారులు చెబుతున్నారు. తయారీ ఖర్చులు, రసాయనాల ధరలు, లేబర్ ఛార్జీలు, రవాణా వ్యయాలు పెరగడమే ధరల పెరుగుదలకు కారణమని వ్యాపారులు పేర్కొంటున్నారు. దీంతో మధ్యతరగతి ప్రజలు టపాసుల కొనుగోలును తగ్గించుకుంటున్నారు. పండుగ అనగానే వెలుగులు, సంతోషాలు పంచుకునే దీపావళి వేళ.. ఈసారి బాణాసంచా ధరలు సామాన్య, మధ్యతరగతి ప్రజల గుండెల్లో గుబులు పుట్టిస్తున్నాయి. పటాకుల ధరలు ఆకాశాన్నంటడంతో దీపావళికి టపాసులు కొనాలంటేనే భయపడే పరిస్థితి నెలకొంది.