తెలంగాణలో కోటి మంది మహిళలను కోటీశ్వరులుగా తీర్చిదిద్దడమే లక్ష్యమని సీఎం రేవంత్ రెడ్డి తెలిపారు. మహిళా స్వయం సహాయక సంఘాలకు 34 నెలల్లో రూ.79 వేల కోట్ల బ్యాంకు రుణాలు అందించామని, రూ.1,900 కోట్ల వడ్డీ చెల్లించామని వెల్లడించారు. ఉచిత బస్సు పథకాన్ని కొనసాగిస్తామని స్పష్టం చేస్తూ, కొత్తగా 4.5 లక్షల చేయూత పింఛన్ల పంపిణీని ప్రారంభించారు. కోటి మంది ఆడబిడ్డలను కోటీశ్వరులుగా తీర్చిదిద్దడమే నా లక్ష్యం’ అని ముఖ్యమంత్రి రేవంత్ రెడ్డి పేర్కొన్నారు.