అర్నబ్, మురసు తుఫాన్ల ప్రభావంతో ఏపీ, తెలంగాణలో భారీ వర్షాలు కురుస్తున్నాయి. ఎర్రకాలువ ఉద్ధృతితో నిడదవోలులోని కోట సత్తెమ్మ ఆలయం నీటమునిగింది. పలు గ్రామాలు, కాలనీల్లోకి వరద నీరు చేరగా వేల ఎకరాల్లో పంటలు దెబ్బతిన్నాయి. అశ్వారావుపేటలో భారీ వర్షానికి చెరువులకు గండ్లు పడ్డాయి. దుబ్బాకలో ఐకేపీ కేంద్రాల్లోని ధాన్యం తడిసిపోయింది. తెలంగాణలోని పలు జిల్లాలకు వాతావరణ శాఖ ఎల్లో అలర్ట్ జారీ చేసింది.