ఉద్యోగం ఇచ్చిన బాస్కు నమ్మకంగా ఉండాల్సిన మహిళ చివరకు ఆయన బ్యాంక్ ఖాతానే తన వ్యక్తిగత ఏటీఎంలా మార్చుకుంది. ఖరీదైన షాపింగ్ చేయాలన్నా, ప్రైవేట్ జెట్లో విహారయాత్రకు వెళ్లాలన్నా, కొత్త వాహనం కొనాలన్నా ఆమెకు పెద్దగా ఆలోచించలేదు. ఎందుకంటే ఆ ఖర్చులన్నీ భరించడానికి బాస్ డబ్బు ఉంది కదా! ఇలా ఒకటి కాదు.. రెండు కాదు.. ఏకంగా 18 మిలియన్ డాలర్లు అంటే భారత కరెన్సీలో సుమారు రూ.170 కోట్లు కాజేసింది. ఆ డబ్బుతో లూయిస్ విట్టన్ బ్యాగులు, రోలెక్స్ వాచీలు, ఖరీదైన బూట్లు కొనుగోలు చేసింది. చివరకు ఇంట్లో అధికారులు తనిఖీలు చేయడంతో ఆమె సాగించిన విలాసాల బాగోతం బయటపడింది.