మనుషులతో మాట్లాడినట్లే ఇప్పుడు చాలామంది ఆర్టిఫిషియల్ ఇంటెలిజెన్స్ (AI) చాట్బాట్లతోనూ సంభాషిస్తున్నారు. సందేహాలు అడగడం, ఉద్యోగానికి సంబంధించిన పనులు చేయించుకోవడం, కథలు రాయించడం ఇలా ఎన్నో అవసరాలకు వాటిని ఉపయోగిస్తున్నారు. అయితే కొందరు AI సమాధానం నచ్చకపోతే తిడుతుంటారు, మరికొందరు కావాలనే అసభ్యంగా మాట్లాడుతుంటారు. ఇలాంటి ప్రవర్తన వల్ల AIకి నిజంగానే బాధ కలుగుతుందా? లేక మన మాటలకు అనుగుణంగా సమాధానాలు రూపొందించే సాఫ్ట్వేర్ మాత్రమేనా అనే చర్చ ఇప్పుడు ఆసక్తికరంగా మారింది.