పుదీనా ఆకులు వంటకాలకు మంచి సువాసనతో పాటు ప్రత్యేకమైన రుచిని అందిస్తాయి. పుదీనా పచ్చడి, బిర్యానీ, పులావ్, రాయితా ఇలా ఎన్నో వంటకాల్లో వీటిని ఉపయోగిస్తుంటాం. అయితే మార్కెట్ నుంచి తెచ్చిన పుదీనా కొద్దిరోజులకే వాడిపోతుంది. ప్రతిసారీ కొనుగోలు చేయడం కంటే ఇంట్లోనే ఒక చిన్న కుండీలో పుదీనా మొక్కను పెంచుకుంటే అవసరమైనప్పుడు తాజాగా కోసుకోవచ్చు. దీనికి ప్రత్యేకమైన గార్డెన్ కూడా అవసరం లేదు. బాల్కనీ, కిటికీ పక్కన లేదా టెర్రస్పై చిన్న స్థలం ఉంటే సరిపోతుంది.