దీపావళి అనగానే మనకు ముందుగా గుర్తొచ్చేది దీపాల వెలుగు, రంగురంగుల ముగ్గులు, పిండి వంటలు, కొత్త బట్టలు, బాణసంచా. అయితే చాలా మందికి తెలియని విషయం ఏమిటంటే.. దీపావళి పండుగను కేవలం ఒక్కరోజే కాకుండా సంప్రదాయంగా ఐదు రోజుల పాటు జరుపుకుంటారు. ఈ ఐదు రోజుల్లో ఒక్కో రోజుకు ఒక్కో ప్రత్యేకత, ఆధ్యాత్మిక ప్రాధాన్యత ఉంటుంది. సంపద, ఆరోగ్యం, చెడుపై మంచి విజయం, ప్రకృతికి కృతజ్ఞత, కుటుంబ బంధాలు వంటి విభిన్న సందేశాలు ఈ వేడుకల్లో కనిపిస్తాయి.