తమ పిల్లలకు మంచి భవిష్యత్తును అందించాలని తల్లిదండ్రులు ఎన్నో కష్టాలను ఎదుర్కొంటారు. అలాంటిది బిడ్డకు ఆపద వస్తే.. ఆ తల్లి మనసు తల్లడిల్లిపోతుంది. ఎంతటి కష్టమైనా ఎదురించి తన బిడ్డను కాపాడుకోవాలని తాపత్రయపడుతుంది. అచ్చం ఇలాంటి ఘటనే విజయనగరం జిల్లాలో వెలుగుచూసింది. అనారోగ్యంతో బాధపడుతున్న కుమార్తెను ఆసుపత్రికి తీసుకెళ్లేందుకు వాహన సౌకర్యం లేకపోవడంతో ఓ తల్లి అంబులెన్స్గా మారింది. తన బిడ్డను భుజాలపై ఎత్తుకుని సుమారు 7 కిలోమీటర్లు నడిచి ఆసుపత్రికి తీసుకెళ్లింది.