ఉత్తరప్రదేశ్ ప్రభుత్వం ఆహార భద్రత దృష్ట్యా కీలక నిర్ణయం తీసుకుంది. సమోసాలు, మోమోస్, చాట్, కబాబ్ల వంటి స్ట్రీట్ ఫుడ్స్తో వడ్డించే ఎరుపు, ఆకుపచ్చ చట్నీలలో కృత్రిమ రసాయన రంగుల వాడకాన్ని నిషేధించింది. ఫుడ్ సేఫ్టీ అండ్ డ్రగ్ అడ్మినిస్ట్రేషన్ (FSDA) జారీ చేసిన ఈ కొత్త నిబంధనల ప్రకారం, వ్యాపారులు చట్నీలకు రంగు కోసం టమోటాలు, బీట్రూట్, కొత్తిమీర, పుదీనా, కాశ్మీరీ కారం వంటి సహజ పదార్థాలను మాత్రమే ఉపయోగించాలి. రోడామైన్ బి, మెటానిల్ ఎల్లో వంటి ప్రమాదకర రసాయన రంగులను వాడితే భారీ జరిమానాలు, జైలు శిక్ష విధిస్తామని ప్రభుత్వం హెచ్చరించింది.