శీతాకాలంలో చల్లటి వాతావరణం వల్ల శరీర ఉష్ణోగ్రత పడిపోకుండా కాపాడుకోవడానికి చిరుధాన్యాలు (మిల్లెట్స్) ఎంతో మేలు చేస్తాయి. ముఖ్యంగా సజ్జలు శరీరానికి సహజసిద్ధమైన వెచ్చదనాన్ని ఇవ్వడమే కాకుండా.. ఐరన్, ఫైబర్, కాల్షియంలను పుష్కలంగా అందిస్తాయి. బియ్యంతో చేసే కిచిడీ రక్తంలో చక్కెర స్థాయిలను పెంచుతుంది; కానీ సజ్జలు మరియు పొట్టు పెసరపప్పు కాంబినేషన్లో రకరకాల కూరగాయలు జోడించి 'సజ్జల మసాలా కిచిడీ' చేసుకుంటే అటు మధుమేహం (డయాబెటిస్) ఉన్నవారికి, ఇటు బరువు తగ్గాలనుకునే వారికి ఒక దివ్యమైన అమృతాహారంగా మారుతుంది.