Cyclone Arnab: ‘అర్నబ్’ తీవ్ర తుఫాను ఆంధ్రప్రదేశ్ తీరం వైపు దూసుకొచ్చి తీవ్ర అలజడి సృష్టిస్తోంది. భారత వాతావరణ శాఖ (IMD) వివరాల ప్రకారం, పశ్చిమ-మధ్య బంగాళాఖాతంలో స్థిరంగా ఉన్న ఈ తుఫాను కేంద్రం నరసాపురానికి తూర్పుగా 30 కిలోమీటర్లు, యానాంకు నైరుతిగా 45 కిలోమీటర్లు, కాకినాడకు నైరుతిగా 70 కిలోమీటర్ల దూరంలో కేంద్రీకృతమై ఉంది. ఇది వాయవ్య దిశగా కదులుతూ బాపట్ల-విశాఖపట్నం మధ్య తీరాన్ని దాటే అవకాశముంది. ఈ సమయంలో గంటకు 115 నుంచి 125 కిలోమీటర్ల వేగంతో గాలులు వీస్తాయని, ప్రమాదకర స్థాయిలో ఇవి 140 కిలోమీటర్ల వేగాన్ని కూడా అందుకోవచ్చని అధికారులు హెచ్చరిస్తున్నారు.