The political war of words between CPM State Secretariat member P. Jayarajan and SNDP Yogam General Secretary Vellappally Natesan is intensifying.| പി ജയരാജനും വെള്ളാപ്പള്ളിയും നേർക്ക് നേർ, സംഘപരിവാറിനൊപ്പമാണോ നടേശൻ നിലയുറപ്പിക്കുന്നത്? സിപിഎം സംസ്ഥാന സെക്രട്ടേറിയറ്റ് അംഗം പി ജയരാജനും എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശനും തമ്മിലുളള രാഷ്ട്രീയ വാക്പോര് രൂക്ഷമാകുന്നു. വെള്ളാപ്പള്ളിയുടെ സംഘപരിവാര് ചായ്വും ശ്രീനാരായണീയ ദര്ശനങ്ങളില് നിന്നുളള അകല്ച്ചയും ചൂണ്ടിക്കാട്ടിയാണ് പി ജയരാജന് വിമര്ശനം ഉന്നയിച്ചത്. ഇതിന് പിന്നാലെ പി ജയരാജനെ വെള്ളാപ്പള്ളി തുറന്ന സംവാദത്തിന് ക്ഷണിച്ചിരുന്നു.തുറന്ന സംവാദത്തിന് തയ്യാറാണെന്ന് ഫേസ്ബുക്ക് കുറിപ്പിൽ പി ജയരാജൻ വ്യക്തമാക്കി.