ప్రధాన ఎన్నికల కమిషనర్ (CEC) జ్ఞానేశ్ కుమార్ పనితీరు, ప్రత్యేక ఓటర్ల జాబితా సవరణ (SIR) ప్రక్రియపై దాఖలైన పిటిషన్లకు సంబంధించి భారత ఎన్నికల సంఘం సుప్రీంకోర్టులో కౌంటర్ అఫిడవిట్ దాఖలు చేసింది. ఎన్నికల సంఘం తీసుకున్న నిర్ణయాలు ఏకపక్షంగా ఉన్నాయన్న ఆరోపణలను తోసిపుచ్చింది. ఈ పిటిషన్ ప్రధానంగా ఒక వార్తా కథనంపై ఆధారపడి ఉందని పేర్కొంది. సీఈసీని విధుల నుంచి తప్పించాలన్న లేదా ఆయన పనితీరుపై ఆంక్షలు విధించాలన్న అభ్యర్థనలను వ్యతిరేకించింది.