తెలంగాణలో మత్తుకు దారితీసే ఔషధాల అక్రమ విక్రయాలపై డ్రగ్ కంట్రోల్ అధికారులు ప్రత్యేక తనిఖీలు చేపట్టారు. హైదరాబాద్తో పాటు రాష్ట్రంలోని పలు ప్రాంతాల్లో మెడికల్ షాపులను తనిఖీ చేసి, ప్రిస్క్రిప్షన్ లేకుండా మందుల విక్రయం, రికార్డుల నిర్వహణలో లోపాలను గుర్తించినట్లు సమాచారం. నిబంధనలు ఉల్లంఘించిన 125 మెడికల్ షాపులకు షోకాజ్ నోటీసులు జారీ చేశారు. వివరణలను పరిశీలించిన తర్వాత లైసెన్సుల సస్పెన్షన్ లేదా రద్దు వంటి చర్యలు తీసుకునే అవకాశం ఉంది.