తమిళనాడు రాజకీయాల్లో సంచలనం చోటుచేసుకుంది. ప్రైవేట్ పాఠశాలలకు ప్రభుత్వ గుర్తింపు, పాఠశాలల ఉన్నతీకరణకు అనుమతులు, ఇతర చట్టపరమైన క్లియరెన్సులు ఇప్పిస్తామంటూ రూ.100 కోట్లకు పైగా వసూలు చేసినట్లు వచ్చిన ఆరోపణల కేసులో తమిళనాడు మాజీ పాఠశాల విద్యాశాఖ మంత్రి మహేష్ పొయ్యమొళిని పోలీసులు అరెస్టు చేసినట్లు సమాచారం. సెంట్రల్ క్రైమ్ బ్రాంచ్ (CCB) చేపట్టిన దర్యాప్తులో భాగంగా ఈ చర్య తీసుకున్నట్లు తెలుస్తోంది. మద్రాస్ హైకోర్టు ఆయన ముందస్తు బెయిల్ పిటిషన్ను తిరస్కరించిన అనంతరం, చెన్నైలోని అమింజికరై ప్రాంతంలో ఉన్న ఆయన నివాసంపై అధికారులు దాడి చేసి అరెస్టు చేసినట్లు కథనాలు పేర్కొంటున్నాయి.