Vijay Paved The Way; Dhanushs Political Entry Becomes A Topic Of Discussion Once Again. ചെന്നൈ: തമിഴ് നടൻ ധനുഷ് രാഷ്ട്രീയത്തിലേക്ക് പ്രവേശിച്ചേക്കുമെന്ന അഭ്യൂഹങ്ങൾക്കിടെ ചെന്നൈയ്ക്ക് സമീപം സംഘടിപ്പിച്ച വനിതാ ആരാധക സംഗമം ശ്രദ്ധ നേടുന്നു. ധനുഷ് നർപണി ഇയക്കം എന്ന പേരിൽ സംഘടിപ്പിച്ച ആരാധക കൂട്ടായ്മയുടെ യോഗത്തിൽ 2500ലധികം വനിതാ പ്രവർത്തകർ പങ്കെടുത്തതായാണ് റിപ്പോർട്ട്. ആരാധകരുമായി നേരിട്ട് സംവദിക്കാനും സംഘടനയുടെ പ്രവർത്തനങ്ങൾ വിലയിരുത്താനുമുള്ള വേദിയായി സംഗമം മാറി.സ്വകാര്യ കോളേജിൽ സംഘടിപ്പിച്ച പരിപാടിയിൽ തമിഴ്നാട്ടിന്റെ വിവിധ ഭാഗങ്ങളിൽനിന്നുള്ള വനിതാ പ്രവർത്തകർ പങ്കെടുത്തു. ദീപാവലിയോടനുബന്ധിച്ച് പങ്കെടുത്തവർക്ക് വെള്ളിയിൽ നിർമ്മിച്ച വിളക്കുകളും സമ്മാനമായി നൽകി.