వంటల్లో కొత్తిమీర వేస్తే రుచి, సువాసన రెండూ పెరుగుతాయి. పప్పు, కూరలు, చట్నీలు, ఉప్మా ఇలా చాలా వంటకాల్లో కొత్తిమీరను ఉపయోగిస్తుంటాం. అయితే మార్కెట్ నుంచి తెచ్చిన కొత్తిమీర కొద్దిరోజులకే వాడిపోతుంది. ప్రతిసారీ కొనుగోలు చేయకుండా ఇంట్లోనే తాజా కొత్తిమీరను పెంచుకుంటే ఎలా ఉంటుంది? దీనికోసం ప్రత్యేకంగా తోట ఉండాల్సిన అవసరం లేదు. బాల్కనీలో లేదా ఇంటి పెరట్లో ఒక కుండీ, కొద్దిగా మట్టి, కొత్తిమీర గింజలు ఉంటే చాలు. సరైన పద్ధతిలో పెంచితే సుమారు 30–40 రోజుల్లో ఆకులను కోసుకోవచ్చు.