హైదరాబాద్ శివారులోని ఔటర్ రింగ్ రోడ్డుపై ఘోర రోడ్డు ప్రమాదం చోటుచేసుకుంది. సంగారెడ్డి జిల్లా కొల్లూర్ పోలీస్ స్టేషన్ పరిధిలో జరిగిన ఈ ప్రమాదంలో ఇద్దరు ప్రాణాలు కోల్పోయారు. రోడ్డు డివైడర్ మధ్యలో ఉన్న చెట్లకు నీళ్లు పోస్తున్న వాటర్ ట్యాంకర్ను వేగంగా వచ్చిన అశోక్ లేలాండ్ వాహనం బలంగా ఢీకొట్టడంతో ఈ విషాదం సంభవించింది. ఈ ఘటనతో స్థానికంగా విషాదం నెలకొంది.