సంగారెడ్డి జిల్లా జహీరాబాద్ ప్రాంతంలో ఆలుగడ్డ సాగు తీవ్ర సంక్షోభాన్ని ఎదుర్కొంటోంది. గతేడాది భారీ నష్టాలు రావడంతో ఈసారి రైతులు పంట వేయడానికి వెనుకడుగు వేస్తున్నారు. గతంలో 3,000 ఎకరాల్లో సాగైన ఆలుగడ్డ విస్తీర్ణం ఈసారి 1,000 ఎకరాల లోపే ఉండొచ్చని అంచనా. విత్తన ధరలు తగ్గినా మార్కెట్లో గిట్టుబాటు ధర లభించకపోవడం, పెట్టుబడి ఖర్చులు పెరగడం రైతులను ప్రత్యామ్నాయ పంటల వైపు మళ్లిస్తున్నాయి.